პოლონეთის რესპუბლიკის საგარეო საქმეთა მინისტრმა 2018 წელს თბილისში პოლონური ინსტიტუტი გახსნა. ინსტიტუტის მიზანი, რომელმაც ოპერირება ოფიციალურად 2018 წლის 26 მაისს – საქართველოს დამოუკიდებლობის მე-100 წლისთავზე – დაიწყო, პოლონეთის ყოვლისმომცველი განვითარებაა. ინსტიტუტის ამოცანას სახალხო და კულტურული დიპლომატიის ხელშეწყობა წარმოადგენს.
ვცდილობთ, რომ პოლონეთი აქტიურად იყოს წარმოდგენილი საქართველოს სოციალურ და კულტურულ ცხოვრებაში.
სხვა დონორებთან ერთად, პოლონეთის ინსტიტუტის ხელშეწყობით 2018 წლიდან ქუთაისში პროფ. სტეფან კრუკოვსკის სახელობის პოლონურ-ქართული ინტერდისციპლინური კვლევითი ცენტრი ფუნქციონირებს. აღნიშნული ცენტრის მიზანი საქართველოში არსებული პოლონურ-ქართული არქეოლოგიური მისიების კოორდინაციაა.
გათხრით სამუშაოებს პროფ. სტეფან კრუკოვსკის სახელობის პოლონურ-ქართული ინტერდისციპლინური კვლევითი ცენტრი საქართველოს კულტურული მემკვიდრეობის დაცვის ეროვნულ სააგენტოსთან, ვარშავის უნივერსიტეტის ხმელთაშუა ზღვის არქეოლოგიის კათედრასთან და აჭარის კულტურული მემკვიდრეობის დაცვის სააგენტოსთან ერთად ახორციელებს.
სტეფან კრუკოვსკის სახელობის პოლონურ-ქართული ინტერდისციპლინური კვლევით ცენტრი პირველი და ჯერჯერობით ერთადერთი უცხოური არქეოლოგიური სადგურია კავკასიაში, რომელიც კვლევებს ატარებს ქუთაისსა და გონიოში (რომაულ ციხე-სიმაგრე აფსაროსში).
კრუკოვსკის ცენტრში ჩატარებული პოლონურ-ქართული არქეოლოგიური კვლევების მხარდაჭერა ინსტიტუტის მუდმივი ამოცანაა.
მთავარი გვერდი: HOMEPAGE (uw.edu.pl)
პოლონეთის კულტურული მემკვიდრეობის ინსტიტუტის დიდი მხარდაჭერით საქართველოს პარლამენტის ეროვნულ ბიბლიოთეკაში ჰენრიკ ჰრინევსკის სახელობის ხელოვნების დარბაზი შევქმენით. ჰენრიკ ჰრინევსკი – მე-20 საუკუნის დასაწყისის გამოჩენილი პოლონელი მხატვარი და ქართული არქიტექტურის მკვლევარი, თბილისის სამხატვრო აკადემიის თანადამფუძნებელი.
სწორედ ჰენრიკ ჰრინევსკიმ დააპროექტა და შექმნა სათავადაზნაურო ბანკის (დღევანდელი ეროვნული ბიბლიოთეკა) ინტერიერი. მისი სახელობის დარბაზში პოლონური ლიტერატურის მრავალი კრებულია დაცული. იქ რეგულარულად იმართება საინტერესი შეხვედრები და პოლონური ენის გაკვეთილები უცხოელებისთვის.
ჩვენი მიზანია კონტაქტების დამყარება ქართულ კულტურულ ინსტიტუტებთან და პოლონეთისა და პოლონური მემკვიდრეობის მომავალ მოკავშირე ჯგუფებთან. შედეგად, ქართველი გამომცემლები უკვე აქვეყნებენ პოლონურ ლიტერატურას, რომელიც საქართველოსა და პოლონეთის წიგნის მაღაზიათა უმეტესობაშია ხელმისაწვდომი; ვთანამშრომლობთ ქართველ მწერლებთან და პოლონური ლიტერატურის მთარგმნელებთან; პოლონური თეატრი უკვე ქართულ სცენაზე წარსდგა; პოლონელი ექსპერტები და მეცნიერები ერთობლივ პროექტებს ახორციელებენ საქართველოს უნივერსიტეტებთან და კულტურის დაწესებულებებთან; ვატარებთ პოლონური ენის კურსებს საქართველოს უნივერსიტეტებისთვისა და დაინტერესებული პირებისთვის
გვსურს მადლობა გადავუხადოთ თითოეულ პოლონურ და ქართულ ინსტიტუტს ჩვენი ძალისხმევისა და საქმიანობის მიმართ მხარდაჭერისთვის!