17 студзеня 2019 года ў Авальнай зале Гродзенскага дзяржаўнага гісторыка-археалагічнага музея” пасялілася на цэлы месяц чараўніцтва Кракаўскіх калядных батлеек! На адкрыццё выставы прыбылі госці з Гістарычнага музея горада Кракава – Намеснік дырэктара Ганна Сьліва-Сухавяк, куратар выставы Анджэй Шока. Выставу адкрылі Кіраўнік аддзела культуры Гродзенскага аблвыканкама Алена Клімовіч, Старшыня Гродзенскага гарадскога Савета дэпутатаў Барыс Фёдараў, Генеральны Консул РП у Гродна Яраслаў Ксёнжэк і дырэктар Польскага Інстытута ў Мінску Цэзары Карпіньскі. Госці з Кракава расказалі аб гісторыі штогадовых конкурсаў батлеек, а таксама аб схаваных у іх традыцыях і культурных сімвалах.

Выстава была падрыхтавана гістарычным музеем горада Кракава, Генеральным Консульствам Рэспублікі Польшча ў Гродне і Польскім Інстытутам у Мінску.

Выстава прадоўжыцца да 17 лютага 2019 г.