5 верасня а 18-ай гадзіне ў памяшканні Мінскага аддзялення Саюза палякаў на Беларусі Дырэктар Польскага Інстытута ў Мінску Цэзары Карпіньскі адкрыў выставу “Матэрыяльная і нематэрыяльная спадчына ЮНЕСКА ў краінах Усходняга Партнёрства”. Падчас сустрэчы ішла гаворка аб справах захавання культурнай спадчыны, асабліва ў аспекце праграм дапамогі Еўрапейскага Саюза для краін Усходняга партнёрства.

Выставу складаюць некалькі дзесяткаў фотаздымкаў, якія паказваюць месцы, звязаныя са спадчынай такіх краін як Малдавія, Грузія, Арменія, Азербайджан, Украіна і Беларусь, якія ўносяць істотны ўклад у еўрапейскую культуру. Экспазіцыя падрыхтавана ў межах Года еўрапейскай культурнай спадчыны — 2018, а яе пасылам з’яўляецца дасягненне пагаднення праз прэзентацыю асаблівых аб’ектаў, унесеных у спіс ЮНЕСКА ў краінах Уходняй Еўропы і Паўднёвага Каўказа.