Стваральнікі канстытуцыі, чэрпалі натхненне ў палітычнай і грамадскай думцы еўрапейскага Асветніцтва і амерыканскай канстытуцыі 1787 года. Яны лічылі, што ўрад павінен служыць усяму народу, а не інтарэсам прывілеяваных пластоў.
Канстытуцыя павінна была пакласці пачатак увядзенню чарговых рэформаў, накіраваных на ўмацаванне дзяржавы. Дзеянні, накіраваныя на абарону Польшчы перад пагрозамі суседзяў, з’яўляюцца сёння прыкладам адказнасці свядомых прадстаўнікоў грамадскай эліты. Канчатковы падзел Рэчы Паспалітай паміж Аўстрыяй, Прусіяй і Расіяй у 1795 г. прывёў да страты яе незалежнасці. Стваральнікі Канстытуцыі 3 траўня Ігнацы Патоцкі і Гуга Калантай праз гады ацанілі, што яна была “апошняй воляй і завяшчаннем згасаючай Радзімы”. Святкаванне традыцый Канстытуцыі 3 траўня было забаронена падчас падзелаў Рэчы Паспалітай.