У мерапрыемстве ўзяў удзел рэжысёр Андрэй Куціла, які 2 чэрвеня 2019 года атрымаў фільм “Сума” (“Summa”) узнагароду «Срэбны Лайконік» як рэжысёр найлепшага дакуентальнага фільма “За каштоўнае гуманістычнае пасланне, якое выяўляецца ў сталай, гарманічнай форме”. Андрэй Куціла расказаў пра Фестываль і “закуліссе” працы над фільмам.
Фільм “Summa” выпусціла кінастудыя “Эверэст”, у капрадукцыі з TVP (Аддзел стварэння і развіцця формаў дакументальных і Belsat). Ён быў суфінансаваны Польскім Інстытутам кінамастацтва, мастацкі кіраўнік – Яцэк Блавут, прадзюсар – Міраслаў Дэмбінскі.
Героем фільма з’яўляецца 92-гадовы знакаміты польскі мастак Анджэй Струміла, які жыве на Сувальшчыне, непадалёк возера Вігры. Размаўляючы з сабакамі, коньмі, прыродай, ён вядзе сціплае жыццё, малюючы карціны і пішучы вершы. Сустрэча з дзяўчынай з Беларусі дае магчымасць задумацца аб тым, што важна і непазбежна.
Анджэй Куціла нарадзіўся ў Баранавічах ў 1983 годзе. У 2007 годзе скончыў Беларускі дзяржаўны ўніверсітэт па спецыяльнасці “Міжнародная журналістыка”, а праз два гады скончыў Беларускую дзяржаўную акадэмію мастацтваў.
У 2018 годзе фільм “Сума” быў прызнаны найлепшай сярэднемэтражнай стужкай на фэстывалі дакумэнтальнага кіно IDFA ў Амстэрдаме. Як напісалі арганізатары фестывалю: “яго глыбокі, павольны фільм, з гарманічнай драматургіяй, што расказвае пра прыняцце жыцця і смерці, прымушае задумацца аб жыцці, хуткаплыннасці часу, сяброўстве, перадачы каштоўнасцяў мастацтва і мастацтва жыцця”.
