Польскі Інстытут у Мінску адкрыты на разнастайныя ініцыятывы беларускіх культурніцкіх устаноў і прадстаўнікоў навуковага і мастацкага асяроддзяў. Калі ў Вас ёсць цікавы праект да сумеснай рэалізацыі, Вы можаце даслаць яго да разгляду ў Інстытут.

ПРАВІЛЫ ПАДАЧЫ ПРАЕКТУ

Праект павінен быць прадстаўлены мінімум за 90 дзён да яго рэалізацыі і ўтрымліваць наступныя звесткі:

1. Тэма і назва праекта.
2. Планаваная дата пачатку і заканчэння праекта, месца рэалізацыі.
3. Кароткае абгрунтаванне ідэі, мэты праекта.
4. Форма і спосаб ажыццяўлення.
5. Кароткая інфармацыя пра ўдзельнікаў праекта, кантактныя тэлефоны.
6. Арганізатары праекта, іх партнёры, удзел кожнага ў праекце.
7. Запланаваны каштарыс, уключаючы выдаткі партнёраў альбо спонсараў.
8. Меркаваны фінансавы і арганізацыйны ўдзел Польскага Інстытута ў праекце.
9. Далейшыя заўвагі, чаканыя рэзультаты і водгукі ад рэалізацыі праекта.
10. Кароткая даведка пра арганізатараў, з пералікам іх асноўных папярэдніх праектаў.

Пра рашэнне Польскага Інстытута заяўнік будзе паінфармаваны
ў індывідуальным парадку. Інстытут пакідае за сабой права не тлумачыць прычыны адмовы.