25 студзеня адбылося адкрыццё выставы «Кракаўскія калядныя батлейкі» ў Віцебскім абласным краязнаўчым музеі.

 

 

 

Выставу адкрывалі Пасол Рэспублікі Польшча ў Рэспубліцы Беларусь Конрад Паўлік, Старшыня Віцебскага абласнога савета народных дэпутатаў Уладзімір Цярэнцьеў, госці з Польшчы – намеснік дырэктара Гістарычнага музея горада Кракава Анна Суховяк, куратар выставы, кіраўнік аддзела Музея «Цэлестат» Малгажата Няхай, Віцебскі біскуп Алег Буткевіч, старшыня Епархіяльнага аддзела па справах культуры, творчасці і аховы помнікаў пратаірэй Мікалай Прусакоў і Дырэктар Віцебскага абласнога краязнаўчага музея Глеб Савіцкі.

 

 

Батлейкі выклікалі вялікую цікавасць у жыхароў і гасцей Віцебска. Пазнаёміцца з прыгожай кракаўскай традыцыяй прыйшло шмат людзей.

 

 

На выставе былі прадстаўлены адны з найлепшых конкурсных экспанатаў з фондаў музея Кракава. Старэйшы з іх быў створаны ў 1978 годзе. Гледзячы на батлейкі, наведвальнікі заўважаць, што некаторыя з іх маюць вельмі складаную канструкцыю. Гэта пэўная прыкмета, што творца такой батлейкі прысвяціў ёй тысячы гадзін.

 

 

 

 

Выстава працуе да 1 красавіка 2018 г. Запрашаем здзейсніць падарожжа ў дзівосны свет гісторыі кракаўскіх батлеек!