На экспазіцыі прадстаўлена 30 фотаздымкаў, якія паказваюць месцы, прадметы і людзей, звязаныя са спадчынай краін Усходняга Партнёрства. Сярод іншага, на фотаздымках можна ўбачыць Дзявочую вежу ў Баку, а таксама архітэктурны і культурны комплекс роду Радзівілаў у Нясвіжы.

Выстава была падрыхтавана ў межах Года еўрапейскай культурнай спадчыны — 2018. Выстава падкрэслівае тое, што Малдавія, Грузія, Арменія, Азербайджан, Украіна і Беларусь таксама робяць вялікі ўнёсак у еўрапейскую культуру.