19 лістапада ў крэатыўнай прасторы ОК16 у межах „Месяца польскай літаратуры” адбылася прэзентацыя анталогіі сучаснай польскай драматургіі і адкрыццё фестывалю “На розныя галасы. Polish Plays”. Прэзентацыя адбылася з удзелам аўтараў, перакладчыкаў і арганізатараў праекта — Пшэмыслава Пілярскага, Марты Сакалоўскай, Міхала Шымяняка, Андрэя Хадановіча, Марыны Шоды, Марына Казлоўскай, Марыі Пушкінай, Алены Мальчэўскай, Тані Арцімовіч.
Удзельнікі падзяліліся сваімі ўражаннямі і набытым за час працы над праектам досведам.
У гэты ж вечар адбылося чытанне п’есы Войтэка Зямільскага “Малая нарацыя”. Рэжысёр Аляксандр Марчанка, чытаў Максім Брагінец, пераклад Андрэя Хадановіча.
Нагадваем, што наведвальнікаў фестывалю чакае серыія сцэнічных (перфарматыўных) прэзентацый і чытанняў п’ес адных з самых вядомых сучасных польскіх драматургаў — Пшэмыслава Пілярскага, Марты Сакалоўскай, Міхала Шымяняка, Войтэка Зямільскага, Маліны Пшэслюгі, Роберта Яраша.
