Прапануем да прагляду выдатную пастаноўку 1976 года “Мёртвы клас” Тадэвуша Кантара.   

Спектакль, у якім разам з акцёрамі выступаюць лялькі, а межаў паміж жыццём і нябытам, як і паміж тэатральнымі жанрамі, не існуе. Спектакль падрывае штодзённыя ўмоўнасці і стэрэатыпы.Тадэвуш Кантар (1915-1990) – адзін з самых буйных тэатральных дзеячаў ХХ стагоддзя, рэжысёр і мастак, які ставіў амаль бясслоўныя спектаклі-хэпенінгі ў кракаўскім тэатры “Крыкот-2”. Жанр сваіх прадстаўленняў, выдуманых імправізацыйным метадам, ён часамі называў “крыкатажамі” – ад назвы тэатра.