Запрашаем у першую чаргу самых маленькіх гледачоў, але таксама і тых, хто памятае польскія мультфільмы з дзяцінства. Польская студыя мультыплікацыйных фільмаў Studio Filmów Rysunkowych далучылася да кампаніі, якая папулярызуе адказныя паводзіны падчас пандэміі COVID-19 (#zostańwdomu, #заставайсядома), і падрыхтавала спецыяльную праграму online.

Пераважная большасць вядомых і можна нават сказаць культавых мультфільмаў, такіх як прыгоды Болека і Лёлека, Рэксё, Пампаліні, Кліпера ці Бальтазара Гомбкі, даступныя на канале YouTube Studio Filmów Rysunkowych.