Дарагія сябры,

набліжаюцца Каляды, але перш чым мы павіншуем адзін аднаго са Святамі, падзелімся аплаткам і распакуем падарункі, мы павінны падрыхтавацца да каляднай вячэры – Wigilii, якая глыбока ўкаранілася ў польскай святочнай традыцыі.

Сардэчна запрашаем Вас паглядзець фільм “12 КАЛЯДНЫХ СТРАЎ”, які распавядае пра польскую кухню, традыцыі і звычаі. Дзякуючы цікаваму аповеду спадарыні Агнешкі Крэнгліцкай, адной з вядомых польскіх рэстаратарак мы маем магчымасць даведацца пра кулінарныя (і не толькі) спосабы ці нават таямніцы, звязаныя з падрыхтоўкай каляднай вячэры.

Мы шчыра спадзяемся, што, нягледзячы на абмежаванні, звязаныя з пандэміяй, надыходзячыя Каляды будуць сямейнымі, цёплымі і поўнымі святочных пахаў і водараў…