2.05.2021 Навіны

Святкаванне Дня Палоніі і палякаў за мяжой і Дня сцяга Рэспублікі Польшча

Усталяванне свята Палоніі і палякаў за мяжой было прызнаннем гістарычнага ўнёску эміграцыйнага асяроддзя ў рэалізацыю нацыянальных мэтаў краіны продкаў. Сумеснае святкаванне яго з Днём сцяга Рэспублікі Польшча заклікана схіліць палякаў да разваг аб найлепшых старонках гісторыі Польшчы.

У гэтым годзе Дзень Палоніі і палякаў за мяжой мы адзначаем дзевятнаццаты раз. Тым самым падкрэсліваем шматвяковыя дасягненні паланійных асяроддзяў у аднаўленне Польшчай незалежнасці, вернасць і прыхільнасць польскасці, а таксама дапамогу Радзіме ў самыя складаныя часы. Мы падкрэсліваем, што гэта свята таксама і тых, хто, жывучы ўдалечыні ад роднай зямлі, зрабіў свой унёсак у развіццё сусветнага здабытку чалавецтва.

Гэта святкаванне суправаджае ўстаноўленае парламентам свята Дня сцяга Рэспублікі Польшча як аднаго з галоўных дзяржаўных сімвалаў. Сімвал Польшчы, які знаходзіцца з намі ва ўсе важныя моманты: падчас вялікіх дзяржаўных урачыстасцяў, у дні жалобы, у моманты хваляванняў і радасці – з’яўляецца выражэннем павагі да супольнасці, якую мы ствараем.

На жаль, нават у XXI стагоддзі, у свеце шырока гарантаваных правоў і свабод, наша нацыянальная ідэнтыфікацыя сутыкаецца з рэпрэсіямі або дзеяннямі, якія парушаюць правы нацыянальных меншасцяў. Таксама пра гэты аспект нашай ідэнтычнасці мы павінны памятаць, адзначаючы дзень Палоніі і Дзень сцяга Рэспублікі Польшча.

У гэты асаблівы дзень мы выказваем глыбокую падзяку Палоніі і палякам за мяжой за партнёрства ў рэалізацыі знешняй палітыкі краіны і ў прасоўванні польскіх інтарэсаў у свеце. У гэты дзень мы асабліва дзякуем за стварэнне станоўчага меркавання пра палякаў, за выкананне ролі амбасадара польскасці, за захаванне роднай мовы і нашых каштоўнасцяў,  і тым самым стварэнне сусветнага мультыкультуралізму.

З нагоды сённяшняга свята запрашаем паглядзець і паслухаць пажаданні міністра Збігнева Рауа, адрасаваныя Палоніі і палякам за мяжой.

Таксама запрашаем вас паглядзець відэа пра наш нацыянальны сімвал – сцяг Рэспублікі Польшча, а таксама далучацца да акцый у сацыяльных сетках, адзначаных #BiałoCzerwonaŁączy: загрузіце рамку, зрабіце фотаздымак і размясціце ў сваім акаўнце ў сацыяльных сетках.

Прэс-служба МЗС

Scheduled Навіны

Дакументальны фільм “3 траўня, ці сёння”

Гэта новы фільм, які распавядае пра Канстытуцыю 3 траўня, 230-ю гадавіну прыняцця якой мы адзначаем у гэтым годзе.  
06 05.2021 Гісторыя, Кіно, Навіны, Падзея

II Міжнародны конкурс польскай музыкі імя Станіслава

Да 31 траўня можна падаць заяўку на Міжнародны конкурс польскай музыкі імя Станіслава Манюшкі. Конкурс пройдзе ў другі раз, з 11 па 18 верасня 2021 года ў Падкарпацкай філармоніі імя Артура Маляўскага ў Жэшуве.
06 05.2021 Навіны