Instytut Polski w Mińsku

24.01.2019 Музыка, Падзея

Канцэрт да Міжнароднага дня памяці ахвяр Халакосту

24 студзеня ў Беларускай дзяржаўнай філармоніі адбудзецца канцэрт “Жоўтыя зоркі” з нагоды Міжнароднага Дня Памяці Ахвяр Халакосту.

Міжнародны дзень памяці ахвяр Халакосту адзначаецца 27 студзеня. Абвешчаны Генеральнай Асамблеяй ААН 1 лістапада 2005 года. 27 студзеня быў абраны таму, што ў гэты дзень савецкія войскі вызвалілі нямецкі нацысцкі канцэнтрацыйны лагер Аўшвіц Біркенау (тэрыторыя цяперашняй Польшчы).

Гэта вечар памяці, стрыжнем якога стане класічная музыка. Менавіта з дапамогай музыкі слухачы змогуць яшчэ глыбей пагрузіцца ў цяжкія, але вельмі важныя для кожнага з нас успаміны.
Назву гэтаму праекту даў твор Ісаака Шварца «Жоўтыя зоркі».

У праграме канцэрта прагучыць музыка розных аўтараў, прысвечаная памяці ахвяр халакосту, а таксама ўжо ў другі раз будзе прадстаўлена інсталяцыя, створаная вядомым аўтарам габрэйскіх лялек, Валерыяй Гайшун і прысвечаная трагедыі Халакоста.

Важнай часткай мерапрыемства стане выстава «Матылёк: дзеці Халакосту”. Яе правядзенне змагло быць магчымым дзякуючы падтрымцы ААН і Рооп ў РБ.

Праект падтрыманы: Пасольствам Федэратыўнай Рэспублікі Германія ў Мінску, Пасольствам Рэспублікі Ізраіль у Рэспубліцы Беларусь, а таксама Польскім Інстытутам у Мінску.