Ўначы з 3 на 4 жніўня на фестывалі SPRAVA  (Чырэйскае возера, в. Белая царква, Віцебская вобласць) выступіць вядомы польскі музыкант, кампазітар і гукарэжысёр з Гданьска Міхал Яцашэк, творчы псеўданім JACASZEK. Ён стварае электраакустычную музыку, спалучаючы электронныя гукі з акустычнымі інструментамі. Ён працуе з рознымі атрыстамі ў розных медыя, уключаючы відэа, візуальныя мастацтвы, харэаграфію і фатаграфію. Стварае партытуры для кінематаграфічнай і жывой тэатральнай музыкі. Член Польскага Таварыства Электраакустычнай Музыкі.