Мэтай цыкла кінасустрэч “Маляванне на экране” Студыі мультыплікацыйных фільмаў у Бельска-Бялай з’яўляецца навучанне рысаванню простых мультыплікацыйных постацей. Спецыяльная серыя выпускаў створана, каб заахвоціць дзетак не толькі маляваць, але таксама чытаць кнігі, якія часта натхняюць на стварэнне новых малюнкаў. Прадстаўленая серыя натхнёная вершам Яна Бжэхвы “Заапарк”. Пераклад на беларускую мову Інэсы Кур’ян. 

 Сакрэты малявання паказвае Анджэй Чадэрна, выбітны польскі аніматар і галоўны аніматар Студыі. У ролі апавядальніка Раман Баран, вэбдызайнер Студыі мультыплікацыйных фільмаў.  

 Ян Бжэхва
Заапарк 

 Пусцілі зяваку праз арку 
Прайсціся па заапарку: 
“Спужалі мяне папугаі!” 
“Жырафа да неба сягае!” 
“Слон блукае як цень!” 
“Цюлень такі целяпень!” 
“У зебры – 
Чорныя рэбры!”
“А леў 
Ледзь мяне на абед не з’еў!”
“Хто тут схаваў галаву пад дах? 
Чарапаха, мабыць – вылазь, ціпу-ціпу!”
“А гэта – птах! 
Страус!  
Вялічэзная цыпа!”
Ля клеткі з вярблюдам той вісус 
Доўга глядзеў на яго абрысы 
І прамаўляе: “Які высокі! 
Сімпотны звер! Але ж касабокі!” 

 ТЫГР 
“Як пажываеце, Тыгр шаноўны?” 
“Нудна мне надта. Нічога новага”.  
“А Вы б на волі не шчэрылі зубы?” 
“Не! Я адразу ўсіх праглынуў бы”. 

МЯДЗВЕДЗЬ 
Гэты мішка касалапы 
Зараз нам працягне лапу. 
Не працягвае? Шкада. 
Гэта мішкава бяда. 

КЕНГУРУ 
Кенгуру стапой вялікай 
Меў на скок свае разлікі. 
Ды пакуль скакаў да мэты 
Пальцы вылезлі ў шкарпэтах. 

Kolejne odcinki wkrótce!