“Тут мы рэактывуем мінулы час з усімі яго магчымасцямі,
а значыць, і з магчымасцю ачуняць”.
Бруна Шульц “Санаторый пад клепсідрай”

Чарговая сустрэча з цыкла “Санаторый пад клепсідрай” будзе прысвечана геніяльнаму філосафу, футуролагу і пісьменніку-фантасту Станіславу Лему (1921-2006). Вядоўца Андрэй Хадановіч паразважае над загадкамі жыцця і творчасці аднаго з самых вядомых у свеце польскіх літаратараў.

• “Высокі замак”: біяграфія пісьменніка як магчымы ключ да яго творчасці.
• Як габрэй перажыў халакост у Львове?
• Доктар, які не здаў выпускных экзаменаў: ад медыцыны да літаратуры.
• Лем – дысідэнт, эмігрант, ганаровы жыхар Кракава.
• “Сума тэхналогіі”: якія навуковыя прагнозы Лема споўніліся ў ХХІ ст.?
• Незямныя цывілізацыі, тэхналогія будучыні, утапічнае грамадства.
• Інтэлектуальны гумар Лема.
• За што Лем недалюбліваў амерыканскую фантастыку?
• Найлепшыя экранізацыі польскага пісьменніка.
• Як Лем пасварыўся з Андрэем Таркоўскім?
• “Салярыс” як шэдэўр літаратуры і кіно.
• Станіслаў Лем у беларускіх перакладах Анатоля Бутэвіча.

І яшчэ шмат цікавай інфармацыі пра знакамітага пісьменіка 22 верасня а 17-ай гадзіне на старонцы Польскага Інстытута ў Мінску ў Фэйсбуку

“Санаторый пад клепсідрай”  –  гэта арганізаваны Польскім Інстытутам у Мінску пры падтрымцы выдавецтва “Логвінаў” цыкл анлайн-сустрэч, які ўключае літаратурныя чытанні і размовы пра культавых польскіх аўтараў ХХ-ХХІ стагоддзя. Гэта файная магчымасць, не выходзячы з дома, пачуць геніяльную паэзію, зацікавіцца актуальнай прозай, зарыентавацца ў найлепшых кніжных выданнях польскіх пісьменнікаў па-беларуску.