8 кастрычніка 2020 г. (чацвер)
18:30 Камерны канцэрт у выкананні CHOPIN PIANO DUO
Фартэпіянны дуэт
Ганна БОЧАР / Anna Boczar/фартэпіяна
Бартламей КАМІНЕК /Bartłomiej Kominek/ фартэпіяна
У праграме:
Ігнацы Ян Падэрэўскі. Татранскі альбом, оp. 12
Раман Мацееўскі. Калыханка; Тарантэла; Мазурка; Negro Spirituals
Фрыдэрык Шапэн. Grand duo concertant
Супрацоўнічаючы з культурнымі ўстановамі і музычнымі фестывалямі Еўропы і свету, арганізатары прапануюць
сваім слухачам і гледачам сустрэчы з польскай музыкай.
Выканаўцы, запрошаныя да ўдзелу ў праекце, прадставяць публіцы як свае вядомыя творы,
так і забытыя, або тыя, якія ніколі раней не былі прадстаўлены.
Праграма “Польскі музычны досвед” уключае сімфанічныя, камерныя і сольныя канцэрты, а таксама семінары і лекцыі.
“CHOPIN PIANO DUO”
АННА БОЧАР – фартэпіяна.
Выпускніца кракаўскай Акадэміі музыкі па класе фартэпіяна праф. Стэфана Войтаса. У 2002 г. скончыла аспірантуру La Schola Cantorum у Парыжы, дзе вучылася пад кіраўніцтвам праф. Юджына Інджыча. Лаўрэат нацыянальных
і міжнародных конкурсаў, у тым ліку: Міжнароднага конкурсу імя Ф. Шапэна ў Марыянскіх Лазнях (Чэхія) і Анкары (Турцыя) – 1999, Міжнароднага конкурсу сучаснай камернай музыкі імя К. Пэндэрэцкага ў Кракаве і Міжнароднага конкурсу піяністаў імя Х. Чэрны-Стэфаньскай у Ааморы (Японія), Міжнароднага конкурсу камернай музыкі імя Ё. Брамса ў Гданьску (у складзе трыа “BLUette”). Удзельнічала
ў майстар-класах пад кіраўніцтвам выбітных піяністаў: Таццяны Шэбановай, Галіны Чэрны-Стэфаньскай, Рудольфа Бухбіндэра, Аляксея Арлавецкага і Кевіна Кэнэра. Канцэртуе як салістка і камерыстка ў Польшчы і за мяжой. Выступала
ў Францыі, Італіі, Германіі, Чэхіі, Турцыі, Японіі, Палестыне, Ізраілі і Украіне. Арганізатар музычнага фестывалю імя Антонія Стольпэ ў 2011 г., у межах якога адбыліся канцэрты ў філармоніі Каліша і Паляўнічым Палацы роду Радзівілаў у Антоніне. У 2013 годзе выканала ролю піяністкі ў музычным спектаклі “Пан Лютаслаўскі“, пастаўленым у Польскім тэатры ў Варшаве і ў Музычным тэатры ў Лодзі.
З’яўляецца мастацкім кіраўніком польска-палестынскага праекта, накіраванага на папулярызацыю польскай музыкі ў Палестыне і народнай музыкі Блізкага Усходу ў Кракаве. Выкладае
па класе фартэпіяна і фартэпіянных дуэтаў у Дзяржаўнай музычнай школе імя Уладзіслава Жэленьскага ў Кракаве. Прымае ўдзел у якасці члена
журы ў фартэпіянных і камерных конкурсах у Польшчы і за мяжой. З 2014 года выступае з Бартламеем Камінэкам у фартэпіянным дуэце
“Chopin Piano Duo”.
Напісала кнігу “Людвік Стэфаньскі. Граць прыгожа”, якая была выдадзеная Акадэміяй музыкі ў Кракаве (2009).
У 2018 годзе перамагла ў конкурсе на творчую стыпендыю Міністра культуры і нацыянальнай спадчыны Рэспублікі Польшча.
БАРТЛАМЕЙ КАМІНЭК – фартэпіяна
Скончыў з адзнакай кракаўскую Акадэмію музыкі ў класе Януша Алейнічака. Удзельнічаў у майстар-класах самых вядомых выкладчыкаў фартэпіяна, у тым ліку Анджэя Ясіньскага, Аксаны Яблонскай, Лі Кум-Сінга і Рышарда Бакста. У цяперашні час выкладае ў кракаўскай Акадэміі музыкі, дзе ў 2015 годзе атрымаў званне доктара навук. Лаўрэат шматлікіх узнагарод і адзнак на фартэпіянных конкурсах і фестывалях у Польшчы
і за мяжой, у тым ліку ў Кіле (Швецыя), Глазга і Лондане, а таксама на Фестывалі польскай піяністыкі ў Слупску і Фестывалі талентаў у Тарнове. Выступае на канцэртных пляцоўках у Польшчы
(Фестываль польскай музыкі ў Кракаве, Фестываль польскай піяністыкі ў Слупску, Радыёфестываль у Варшаве, Фестываль “Брава, Маэстра” ў сядзібе Падэрэўскіх у Коснай-Дольнай, Фестываль талентаў у Тарнаве, Фестываль “Варшаўская восень“, “Варшаўскія музычныя сустрэчы“, Музыка на Вяршынях у Закапанэ, Фестывалі польскай музыкі ў Кракаве, Міжнародных днях кракаўскіх
кампазітараў), а таксама амаль па ўсёй Еўропе, на Блізкім Усходзе і ў Японіі, атрымліваючы выдатныя водгукі. Ён таксама прымаў удзел у шапэнаўскіх фестывалях у Генце (Бельгія), Вальдэмосе (Маёрка) і Наан (Францыя). Ажыццявіў запісы для Польскага радыё і тэлебачання. Сыграў ролю Фрыдэрыка Шапэна ў фільме Японскага тэлебачання.
У 2005 г. яго выкананне эцюда мі мажор, ор. 10 № 3 увайшло у шапэнаўскі дыск побач з самымі выдатнымі польскімі піяністамі і пераможцамі конкурсаў Шапэна. У 2005 годзе разам з Янушам Алейнічакам, хорам Гданьскага ўніверсітэта і выдатнымі салістамі ён запісаў “Малую ўрачыстую імшу” Джакама
Расіні, якая выконваецца надзвычай рэдка. У 2010 г. выйшаў альбом фірмы “DUX” з музыкай Гражыны Бацэвіч, у які ўвайшоў, сярод іншых, “Фартэпіянны квінтэт № 1” у апрацоўцы для фартэпіяна і камернага аркестра. Альбом быў намінаваны на прэмію “Фрыдэрык”. На працягу многіх гадоў Бартламей Камінэк
таксама вядзе актыўную канцэртную дзейнасць і выступае з многімі вядомымі артыстамі і камернымі ансамблямі. З 2014 года выступаў з піяністкай Аннай Бочар у фартэпіянным дуэце “CHOPIN PIANO DUO”. Ён з’яўляецца аўтарам аранжыроўкі ўсіх аркестравых твораў Фрыдэрыка Шапэна ў версіі для фартэпіяна са струнным квартэтам,
выдадзеных PWM Edition. З 2013 года з’яўляецца мастацкім кіраўніком Міжнароднага фестывалю вакальнай камернай музыкі „Voice&Piano”.
Інтэрактыўны часопіс 🗓
