Канцэрт “ЖЫЦЦЁ Ў ПЕСНІ. Старонкі “Хатняга спеўніка” Станіслава Манюшкі» адбудзецца 12 чэрвеня 2018 г. у Камернай зале імя Л.П. Александроўскай Вялікага тэатра Беларусі.

Найлепшыя песні са знакамітага цыкла кампазітара «Хатні спеўнік» прагучаць у выкананні выдатных салістаў Вялікага тэатра Беларусі – лаўрэатаў міжнародных конкурсаў Ірыны КУЧЫНСКАЙ (сапрана) і Іллі СІЛЬЧУКОВА (барытон), а таксама шматгадовага папулярызатара гістарычнай музыкі і архіўных знаходак – ансамбля салістаў “ВЫТОКІ” пад кіраўніцтвам лаўрэата міжнародных конкурсаў, фагатыста і дырыжора Аляксея ФРАЛОВА.

Гэтай унікальнай праграмай, якая ўсебакова ілюструе жыццё вялікага кампазітара-рамантыка, музычны свет Беларусі распачынае серыю канцэртаў і іншых мерапрыемстваў на шляху да 200-гадовага юбілею геніяльнага Станіслава Манюшкі, які будзе адзначацца 5 мая 2019 года.

Канцэрт арганізаваны пры падтрымцы Польскага Інстытута ў Мінску.

ПРАГРАМА:

“Малітва “Intende Voce””

“Малітва”

“Матка”

“Усходняя песьня”

“Вандроўная птушка”

“Ці ведаеш край…”

“Ад’езд на вайну”

“Над Нідай”

“Зося”

“Гімн да Пана Езуса”

“Паніч і дзяўчына”

===

“Бярозка”

“Што там за кветка”

“Лірнік”

“Залатая рыбка”

“Зязюлька”

“Дуброва”

“Мядзьведзік”

“Сялянка”

“Прасьнічка”

“Кракавяк”

“Коцік”

“Кум і кума”

“Дзед і Баба”

***

Праграма заснавана на важнейшай і, мабыць, самай асабістай грані творчасці Манюшкі – зборніках песень, якія аб’яднаны аўтарам пад сімвалічнай назвай «Хатні спеўнік». З яго старонак можна пачуць і думкі самога класіка, і пабычыць кола яго сяброў, геаграфію вандраванняў, адчуць увесь спектр эмоцый кампазітара. Песні прызначаліся да хатняга ўжытку на розныя акалічнасці штодзённага жыцця чалавека. Іх галоўная мэта – адпавядаць розным настроям і патрэбам сэрца, менавіта таму здзіўляе вельмі багатая іх разнастайнасць. Манюшка з адданасцю пісаў прыгожыя, запамінальныя мелодыі на вершы выдатных паэтаў, сярод якіх Адам Міцкевіч, Ян Чачот, Ян Каханоўскі, Юзаф Крашэўскі і інш. З вялікага збору «Хатняга спеўніка» (некалькі сотняў песень) – у праграме канцэрта прагучаць самыя характэрныя для творчасці аўтара.

Імя Станіслава Манюшкі з’яўляецца адным з найвялікшых у гісторыі і культуры Беларусі і Польшчы, яно адначасова рэпрэзентуе гэтыя дзве культуры і аб’ядноўвае іх.

С. Манюшка нарадзіўся і вырас на Міншчыне, правёў свае маладыя гады ў Мінску. Тут адбываліся яго першыя тэтральна-музычныя пастаноўкі, у салонах мінскай інтэлігенцыі XIX ст. гучала яго музыка, напоўненая беларускім фальклорам. Пазней Манюшка працаваў у Вільні як арганіст касцёла св. Яна. Потым пераехаў у Варшаву, дзе стаў таксама класікам польскай оперы, стварыўшы там свае самыя маштабныя шэдэўры ў гэтым жанры.

Вялікі тэатр Беларусі, Камерная зала
пл. Парыжскай Камуны, 1, Мінск