25.02.2018 Музыка, Падзея

208. Дзень Нараджэння Фрыдэрыка Шапэна

Польскі Інстытут у Мінску і гандлёва-забаўляльны цэнтр DANA MALL

запрашаюць на святкаванне

ДНЯ НАРАДЖЭННЯ ФРЫДЭРЫКА ШАПЭНА!

Чакаем Вас 25 лютага 2018 г. з 15:00 да 17:00

у ГЗЦ «DANA MALL»

(Вул. П. Мсціслаўца 11, ст. Метро Усход)

Выдатнаму кампазітару і піяністу Фрыдэрыку Шапэну ў 2018 годзе споўнілася б 208 год. Па адных звестках ён нарадзіўся 22 лютага, па іншых – 1 сакавіка 1810 года. Штогод з канца лютага да пачатку сакавіка ў розных краінах свету адбываюцца шматлікія мерапрыемствы, прысвечаныя творчасці гэтай вялікай асобы ў гісторыі польскай і сусветнай культуры.

Музыка Шапэна гучала не толькі ў самых вядомых канцэртных залах свету, але нават ля пірамід у Гізе, на Вялікай кітайскай сцяне і міжнароднай касмічнай станцыі.

Святкаванне Дня Нараджэння Фрыдэрыка Шапэна з Польскім Інстытутам у Мінску ў розных незвычайных месцах горада Мінска стала ўжо добрай традыцыяй. Арганізатары імкнуцца не толькі ўшанаваць памяць выдатнага кампазітара, але і данесці да слухачоў панадачасовую сутнасць яго творчасці.

Сёлета паслухаць музыку кампазітара, а таксама паўдзельнічаць у цікавых акцыях святочнай праграмы можна будзе ў нядзелю 25 лютага ў гандлёва-забаўляльным цэнтры DANA MALL. Выканаўцы будуць іграць вальсы, паланэзы, мазуркі і накцюрны Шапэна не толькі на сапраўдным канцэртным раялі, але і на разнастайных ударных інструментах.

Вас чакае:

o Выступленне піяніста-віртуоза, лаўрэата міжнародных конкурсаў

КІРЫЛА КЕДУКА

o Выступленне ансамбля ўдарных інструментаў “MINSK PERCUSSION CLASSIC”

o Выступленне вучняў Дзіцячай музычнай школы мастацтваў №3

імя Ф. Шапэна г. Мінска

o Конкурсы, віктарыны і сюрпрызы ад арганізатараў

o Салодкі пачастунак

УВАХОД ВОЛЬНЫ

Да сустрэчы на ​​свяце!

www.instpol.by

https://www.facebook.com/instytutpolski.wminsku/

https://vk.com/instytut_polski_w_minsku

https://dana-mall.com/

https://www.facebook.com/danamallbelarus/

https://www.instagram.com/danamallminsk/

Scheduled Музыка Падзея