У фільме рэалістычныя падзеі змешваюцца з казкай. Гісторыя пра прататып кінакамеры, сканструяванай сельскім кавалём у сярэдзіне мінулага стагоддзя. Праз сто гадоў прылада была знішчана ў выніку пажару. Аповед вядзецца ад імя 10-гадовага Сташка Шэўчыка, які вучыцца ў школе ў Папелявах, адкуль родам яго бабуля і дзядуля. Ён распавядае пра род кавалёў Андрышакаў, апошні нашчадак якіх Юзэф Андрышак Шосты з’яўляецца яго сябрам.

Карціна атрымала мноства польскіх і замежных узнагарод, у тым ліку «Залатыя львы» ў Гданьску-Гдыні (1998) за лепшы фільм года і прэмію для Кшыштафа Майхшака (галоўная мужчынская роля), Казімежа Развалкі (прадзюсер) і Яна Якуба Кольскага (узнагарода “Студыйных кінатэатраў»); “Варшаўская русалка» (1998); Гран-пры на Міжнародных сустрэчах кіно і тэлебачання ў Жэневе (1999); Гран-пры на кінафестывалі Alte Adria ў Трыесце (1999) для Яна Якуба Кольскага і інш.

У ролях:
Кшыштаф Майхшак
Барташ Апаня
Гражына Блэнцка-Кольска
Міхал Ясіньскі
Томаш Крысяк
Францішак Печка
Марыюш Санітэрнік і інш.