7 кастрычніка 2020 г. (серада) 
Рэспубліканская гімназія – каледж пры Беларускай дзяржаўнай акадэміі музыкі, 
Плошча Свабоды 7, 220030 Мінск, Беларусь 

16: 00-18:00 Лекцыя “Тэндэнцыі найноўшай польскай музыкі для віяланчэлі і фартэпіяна”.
                       Майстар-класы па спецыяльнасцях віяланчэлі і фартэпіяна. 

18:30 Камерны канцэрт CRACOW DUO: KALINOWSKI & SZLEZER 

Ян КАЛІНОЎСКІ /Jan Kalinowski/ віяланчэль 
Марэк ШЛЕЗЕР /Marek Szlezer/ фартэпіяна 

У праграме: 
Фрыдэрык Шапэн. Інтрадукцыя і паланез, Op.3 
Зыгмунт Стаёўскі. Romance sans paroles 
Людамір Ружыцкі. Саната ор. 10 
*** 
Яўген Паплаўскі. “Rosy evening”/ ”Ружовы вечар” для віяланчэлі і фартэпіяна 
Вітольд Лютаслаўскі. “Grave” / “Магіла” 
Марсэль Хыжыньскі. “Farewell”/ “Развітанне” 
Войцех Відлак. “All my angers…” / “Усе мае злосці…” 

CRACOW DUO: KALINOWSKI & SZLEZER  
Ян КАЛІНОЎСКІ – віяланчэль  

Вучыўся ў кракаўскай Акадэміі музыкі, Нармальнай школе музыкі ў Парыжы і Вышэйшай школе музыкі ў Штутгарце пад кіраўніцтвам
 прафесароў Вітольда Германа, Поля Жульена і Пітэра Бака і інш. Працаваў таксама пад кіраўніцтвам Дэвіда Герынгаса, Івана Манігеці
 і Арта Нораса. З’яўляецца стыпендыятам шматлікіх польскіх і замежных фондаў, а таксама Горада Кракава, Малапольскага ваяводства і Міністэрства культуры і нацыянальнай спадчыны Польшчы.  Рабіў запісы для 
радыё і тэлебачання, у тым ліку канцэрты для віяланчэлі Вітальда Лютаслаўскага (Ліванскі нацыянальны аркестр; Азербайджанскі нацыянальны аркестр) і Марэка Стахоўскага (аркестр Акадэміі імя Л.В. Бетховена). У якасці саліста выступаў пад кіраўніцтвам такіх дырыжораў як Рауф Абдулаеў, Лукаш Баровіч, Міхал Дважыньскі, Яцэк Каспшык,
 Павел Пшытоцкі, Даніэль Райскін, Антоні Віт.  Выступаў на самых прэстыжных сцэнах свету, у тым ліку ў Сеульскім мастацкім цэнтры, Альфрэд Ньюман Холе ў Лос-Анджэлесе, Карнегі-Холе ў Нью-Ёрку, Палацыё дэ Белас Артэс у Мексіцы, Зале Карто ў Парыжы, Сент-Марцін-ін-зэ-Філдс у Лондане і Кансертгебау ў Амстэрдаме. Папулярызаваў польскую музыку падчас турнэ па краінах і рэгіёнах свету, у тым ліку Блізкім Усходзе (2006), Каўказе (2013), Грузіі (2014), ЗША і Паўднёвай Карэі (2015), Мексіцы (2015, 2016), Бразіліі і Аргенціне (2016, 2017), ЗША (2017), Кітаі (2018). З 2001 года разам з піяністам Марэкам Шлезэрам стварае дуэт “Cracow Duo”. Іх альбомы атрымалі шматлікія ўзнагароды і адзнакі:    

– “Аляксандр Тансман” – творы для віяланчэлі і фартэпіяна (DUX, 2009), 

– “Фрыдэрык Шапэн” – камерныя творы (DUX, 2010; з удзелам Бартламея Нізёла; прэмія французскіх крытыкаў “La Clef de ResMusica” і намінацыя на Прэмію польскіх меламанаў Трэцяга канала Польскага радыё”),  

– “Кшыштаф Пэндэрэцкі” – камерныя творы, ч. I (DUX, 2014, прэмія Gramophone Editor’s Choice).   

– удзел у запісе альбома “real life song” Яанны Фрэшэль (DUX, 2015, Prix de la SACD).   

 – “Dedykacje” / “Прясвячэнні” (DUX, 2013), альбом твораў, напісаных для “Cracow Duo” кракаўскімі кампазітарамі.  

– З нагоды 15-годдзя сумеснай творчай дзейнасці выйшла кніга пад назвай “З-пад сцэны” – інтэрв’ю музыказнаўцы Матэвуша Баркоўскага з музыкамі і альбом “Memories” (DUX, 2016).  

– У 2018 годзе ў выдавецтве Warner Classics выйшаў альбом “Polish Music Experience”, запісаны з удзелам Аркестра 
сталічнага каралеўскага горада Кракава “Sinfonietta Сracovia” пад кіраўніцтвам дырыжора Юрэка Дыбалы. Запісы музыкаў, 
акрамя станоўчых водгукаў, атрымалі мноства намінацый на польскую фанаграфічную прэмію “Фрыдэрык“.  

Музыка актыўна папулярызуе польскую музыку ў сваёй краіне і за мяжой, прадстаўляючы публіцы творы такіх кампазітараў, 
як Фрыдэрык Шапэн, Аляксандр Тансман, Караль Шыманоўскі, Зыгмунт Стаёўскі, Шымон Лакс, Людамір Ружыцкі, Тадэвуш Маерскі
 і шэраг сучасных твораў, напісаных спецыяльна для іх многімі польскімі і замежнымі аўтарамі.  

У 2015 годзе Ян Каліноўскі атрымаў доктарскую ступень у галіне музычнага мастацтва, ён з’яўляецца дацэнтам Акадэміі музыкі 
ў Кракаве, дзе з 2010 года праводзіць свой клас віяланчэлі. У 2014 годзе выдавецтва DUX выпусціла альбом з яго арыгінальным праектам “Польская віяланчэльная музыка”, які змяшчае 
творы польскіх кампазітараў для складу ад адной да васьмі віяланчэляў.   

Ян Каліноўскі з 2012 года грае на інструменце Войцеха Топы.   

МАРЭК ШЛЕЗЭР − фартэпіяна  

Нарадзіўся ў 1981 г. у Кракаве, пачаў вучыцца фартэпіяна ва ўзросце 5 гадоў. У 1994-2000 гг. вучыўся ў Нармальнай школе музыкі у Парыжы ў класе фартэпіяна праф. Марчэлы Крудэлі, якую скончыў атрыманнем
 “Дыплома найлепшага канцэртмайстра”.  

У 2004 г. скончыў з адзнакай Акадэмію музыкі ў Кракаве ў класе праф. Эвы Букаемскай. У тым жа годзе ён атрымаў каралеўскую стыпендыю ў аспірантуры Музыкальнай капелы каралевы Лізаветы ў Бруселі ў класе
 А. Рахмана Эль-Бачы, якую скончыў у чэрвені 2005 г. з адзнакай, атрымаўшы ступень ” Master-After-Master”. У 2015 годзе атрымаў званне доктара навук. У цяперашні час вядзе ўласны клас фартэпіяна ў Акадэміі музыкі ў Кракаве. Яго кар’ера піяніста распачалася ў 1993 г. ва ўзросце 12 гадоў атрыманнем гран-пры на IV Міжнародным конкурсе піяністаў у Рыме. З таго часу артыст вёў актыўнае канцэртнае жыццё ў Польшчы і за мяжой. Быў шматразовым стыпендыятам Міністэрства культуры,
 фондаў „A.Roussel” i “Amical” у Францыі, “Фонду прасоўвання талентаў” і Фонду “YAMAHA”. Удзельнічаў у майстар-класах выбітных піяністаў: Д. Башкірава, А. Чыкаліні, Э. Магілёўскага, В. Банфілда, М. Прэслера, Д. Мерлета, Дж. Вандэн-Эйдэна і Х. Чэрны-Стэфаньскай. Выступаў пад кіраўніцтвам такіх дырыжораў, як П. Баркоўскі, Л. Баровіч, Т. Бугай, В. Чэпель, Я.М. Фларэнцыё, П. Котля, М. Наленч-Несялоўскі, М. Піяроўскі, З. Рыхерт, А. Віт, Т. Вайцяхоўскі. Піяніст быў высока ацэнены за інтэрпрэтацыю твораў Фрыдэрыка Шапэна, ён заняў І месца ў стыпендыяльным конкурсе
 Таварыства імя Ф. Шапэна ў Варшаве, ІІІ месца на Міжнародным шапэнаўскім конкурсе ў Марыянскіх Лазнях, атрымаў спецыяльны прыз “Нацыянальнага выдання ўсіх твораў
 Фрыдэрыка Шапэна”, а таксама мноства іншых прызоў на вядомых міжнародных фартэпіянных конкурсах. Яго сольны канцэрт адкрываў 56-ы Шапэнаўскі фестываль у Душніках-Здруй. Ён таксама меў гонар выступіць з канцэртам на арыгінальным фартэпіяна Шапэна ў Collegium Maius Ягелонскага ўніверсітэта ў ноч уступлення Польшчы ў Еўрапейскі Саюз у 2004 годзе. У сакавіку 2015 г. з нагоды 205-годдзя з дня нараджэння кампазітара ён выступіў з канцэртам у нью-ёркскім Карнегі-Холе.  

У творчай біяграфіі піяніста мноства сусветных і польскіх прэм’ер сучасных твораў (у тым ліку квартэт Марэка Стахоўскага “Mirroir du Temps” і прысвечаных яму твораў: З. Буярскага, М. Хыжыньскага, М. Яблоньскага, К. Мейера, М. Негрэя, Т.Я. Апалкі, А. Валаціньскага і В. Відлака). Падчас вучобы прымаў удзел у класе інтэрпрэтацыі камерных твораў праф. Кшыштафа Пэндэрэцкага, рыхтуючы творы пад
 кіраўніцтвам кампазітара ў кракаўскай Акадэміі музыкі. У 2005 г. на канцэрце, прысвечаным заснаванню Фонда Каралевы Елізаветы, выканаў канцэрт Моцарта з “English Chamber Orchestra”. Ажыццявіў запісы для радыё і тэлебачання ў многіх еўрапейскіх краінах. Актыўна ўдзельнічае ў папулярызацыі
 польскай музыкі ў Польшчы і за мяжой, рэалізуючы прэм’еры твораў польскіх кампазітараў ХІХ і ХХ стагоддзяў. Дзякуючы яго ініцыятыве было рэалізавана выданне і прэм’ера фартэпіяннага канцэрта для левай рукі Аляксандра Тансмана
 і твораў Ядвігі Сарнецкай. Супрацоўнічае з Польскім музычным выдавецтвам. З 2013 г. ён таксама з’яўляецца рэдактарам выдання фартэпіянных твораў польскіх кампазітараў у выдавецтве “Eufonium“, дзе быў аўтарам першых
 зборнікаў твораў, у т.л. А. Зажыцкага, Ю. Вертхайма і Я. Панкевіча.Чытаў лекцыі і выступаў з канцэртамі ў многіх прэстыжных універсітэтах, у тым ліку Кембрыджскім універсітэце, Універсітэце Індыяны у Блумінгтоне, Універсітэце Чыкага, Універсітэце Паўднёвай Каліфорніі, UNAM, UNICAMP, Універсітэце Сан-Паўлу, Каралеўскай кансерваторыі ў Бруселі. Выдаў шматлікія кампакт-дыскі, у т.л. для “Warner”, “DUX”, “EMI”, “Amadeus” і “Moderato Classics” з сольнай і камернай музыкай, збіраючы пазітыўныя водгукі ў прэстыжных часопісах (у тым ліку “Gramophone”, “Diapason”, “Kulturspiegel”, “Klassik”, “The Strad”, “Pizzicato”, “Fanfare”, “American Record’s Guide”). Атрымаў шмат прэстыжных узнагарод, у тым ліку: двойчы ўзнагароду французскіх музычных крытыкаў “La Clef de ResMusica” за альбомы з творамі Тансмана і Шапэна, “5 du Diapason” за альбом з юнацкімі творамі Караля Шыманоўскага, “Gramophone Editor’s Choice” за запіс камерных твораў Кшыштафа Пэндэрэцкага , Prix de la SACD за найлепшую інтэрпрэтацыю сучаснай музыкі і адзнаку “Альбом Года 2017” часопіса “Hi-FІ” за запісы твораў Бетховена і Шастаковіча. Неаднаразова намінаваны на польскую фанаграфічную прэмію “Fryderyk”.  Член Польскай
 фанаграфічнай акадэміі і Таварыства імя Ферэнца Ліста.