210-ю гадавіну вялікага польскага кампазітара, знакамітага класіка сусветнай музыкі эпохі Рамантызма Фрэдэрыка Шапэна адзначаем ў Мінску ў вельмі адпаведным асяроддзі – у старадаўняй шляхецкай сядзібе рода Ваньковічаў – здаўна творчым асяродку мінскай інтэлігенцыі.

У канцэрце прымаюць удзел выдатныя беларускія салісты:
Аляксандр МУЗЫКАНТАЎ (фартэпіяна),
Ільля СІЛЬЧУКОЎ (барытон),
Святлана СТАРАДЗЕТКА (сапрана),
Алена ДЗЕГЦЯРОВА (цымбалы),
Таццяна КРАСНАБАЕВА (цымбалы).
Мастацкі кіраўнік праекта і вядучы канцэрта – Аляксей ФРАЛОЎ.

Чаму цымбалы ў канцэрце музыкі Шапэна разам з класічным фартэпіяна – даведаемся з праграмы.
Усе ведаюць Шапэна, як Генія фартэпіяна, але ёсць у спадчыне кампазітара і каля двух дзясяткаў песень, якія кампазітар ствараў цягам усяго свайго творчага жыцця. Вершы Міцкевіча, Залескага, Поля, але найбольш – Вітвіцкага складаюць той незвычайны зборнік, на аснове якога і складзена праграма канцэрта. Многія творы падпісаны пазнакай “сельскі”, “сялянскі”, “вясковы”, што раскрывае нам зацікаўленні і захапленні Шапэна традыцыйнай народнай культурай, як кожны рамантык эпохі ён імкнуўся сягаць да народных крыніцаў. Вось чаму для большай стылізацыі і параўнання музыканты супаставяць гучанні раялі і цымбалаў у адзіным стылістычна рэпертуары, які так рэдка гучыць са сцэны, у параўнанні са славутымі фартэпіяннымі опусамі польскага генія.
Напрыканцы, з ілюзорнага ў нечым “свету ідыліі”, яго рамантычнага замілавання, толькі славуты “Рэвалюцыйны эцюд” Шапэна верне нас у актуальную рэальнасць жыццёвай барацьбы. Ласкава запрашаем на незвычайны канцэрт музыкі геніяльнага Шапэна!
Мастацкі кіраўнік праекта і вядучы канцэрта – Аляксей Фралоў.

У праграме:
“Зычэнне” – на цымбалах
“Мелодыя” – барытон
“Сьлічны хлопец” – сапрана
“Ваяк” – барытон
“Персьцень” – цымбалы
Мазурка h-moll – раяль
“Зычэнне” – сапрана
“Мая пяшчотка” – барытон
“Літоўская песенька” – сапрана
“Прэч з маіх вачэй” – барытон
Накцюрн, c-moll – раяль
“Вясна” – цымбалы
Напалеон Орда. Вальс D-dur – раяль
Напалеон Орда. “Успамін пра юнацтва” – сапрана
Шапэн. “Гулянка” (Вакханалія) – цымбалы
“Рэвалюцыйны эцюд” – раяль